অসমীয়া ৰোমান্টিক কবিতা

অসমীয়া ৰোমান্টিক কবিতা

সমুজ্জ্বল ডেকা's picture

কবিতা :: ৰে'ল ষ্টেচনৰ সেই ধুনীয়া ছোৱালীজনী --- সমুজ্জ্বল ডেকা

ৰে'ল ষ্টেচনৰ সেই ধুনীয়া ছোৱালীজনী
ৰৈ আছে উকি মাৰি মাৰি ৰে'লখন অহালৈ
তাইৰ হাঁহিটি মোৰ ইমানখিনি ভাল লাগে
দুখক চেপেটা কৰি সুখৰ সমাহাৰ যিদৰে কবিৰ জীৱনলৈ আনে
তাইৰ হাঁহিত ইমানখিনি তীক্ষ্মতা আছে
এন্ধাৰেও লাজতে সঘনাই ওৰণি টানে
মোৰ অনুভৱ এনে হয় তাইৰ বাবেই এই পৃথিৱীত এন্ধাৰ আঁতৰি জোনাকী সমদল নামে ৷

সমুজ্জ্বল ডেকা's picture

কবিতা :: অসহায় কবিৰ স্বীকাৰোক্তি --- সমুজ্জ্বল ডেকা

মই অসহায় কবি
তই হ'বি মোৰ প্ৰেয়সী
মোৰ জেপ উদং
নকৰিবি তই খং
নাপালে ধন
লগাবলৈ প্ৰসাধনৰ ৰং ৷

মই দুখীয়া
তথাপিও কিয় তই মিচিকিয়াই হাঁহা ?
তই লখিমী
ফুটা মোৰ ঘৰৰ চালি
বৰষুণ আহিলে নিতিতি ক'ত যাবি ?
লঘোণ মোৰটো সদায়ৰে চিনাকি
উজাগৰে নোখোৱাকৈ কটাব লাগিব
তইও দীঘলীয়া বহু ৰাতি
দুখ লাগিব হ'লে তই বেমাৰীজনী ৷

মই প্ৰেমিক
সমগ্ৰ জগতখনেই
মোৰ কাৰণে প্ৰেমৰ প্ৰতীক
তথাপিও পুষ্প বৃষ্টি
তই যে ঈশ্বৰৰ সুকীয়া সৃষ্টি;
তই বিচাৰিলে মৰমেৰে উপচাবলৈ
নালাগে মোক বসন্ত কিম্বা শীত.....!!

মিৰাজ জুলফিক্কাৰ ৰহমান's picture

কবিতা :: তুমি আহিবা --- মিৰাজ জুলফিক্কাৰ ৰহমান

সন্ধিয়াৰ আগমনৰ এই
হেঙুলীয়া আভা কিযে
মনোমোহা
অকলশৰে বহি নিজান
মনৰ কোঠাৰীত ৰচিব
মন যায় প্ৰেমৰ কবিতা।

তুমিহীন দিন ৰাতিত
শব্দবোৰেও যেন
লুকাভাকু খেলিবলৈ
ধৰিলে কেনেকৈ লিখিম
নিজান মনৰ কোঠাৰীত
প্ৰেমৰ কবিতা।

মোৰ বিশ্বাস তুমি আহিবা...
তুমি আহিবা মোৰ
স্বপ্নমধুৰ শব্দৰ সৈতে খেলিবলৈ
তুমি আহিবা মৰমৰ বৈতৰণীত
স্নান কৰিবলৈ।

পংকজ ৰাজ কলিতা's picture

কবিতা :: তোমাক মই ভাল পাব নোৱাৰোঁ --- পংকজ ৰাজ কলিতা

নৈ পাৰৰ শিমলু জোপাৰ আঁৰত

থিয় হৈ তোমাক মই চাব পাৰোঁ

ঘৰমুৱা বেলিৰ হেঙুলীয়া কিৰণে

হেঙুলীয়া কৰি তোলা তোমাৰ

চুলিতাৰিৰ প্ৰেমত মই পৰিব পাৰোঁ

তোমাক সপোনত দেখি নিজক

সুখী কৰিব পাৰোঁ

কিন্তু তোমাক মই ভাল পাব নোৱাৰোঁ

কাৰণ তোমাক দিবলৈ মোৰ

আন একো নাই আছে মাথোঁ

এখন কঙাল হৃদয় যি তোমাৰ

প্ৰেমক ধৰি ৰাখিবলৈ অসমৰ্থ ।

ভাৰ্গব বৰমুদৈ's picture

কবিতা :: কোন নো তুমি ? --- ভাৰ্গব বৰমুদৈ

জোনৰ পোহৰত ৰিম-জিম কৈ

আহিলা মোৰ বুকুলৈ

চিক-মিক কৈ দূপৰ ৰাতি

আহিলা মোৰ বুকুলৈ

আকাশত জিলিকি থকা তৰাবোৰৰ দৰে

তোমাৰ যে মূখখনি জোনৰ দৰে

নিয়ৰত তিতি বুৰি কম নেকি

কোন নো তুমি ?

হৃষিকেশ দাস's picture

কবিতা :: প্ৰেমৰ ৰহণ --- হৃষিকেশ দাস

এমুঠি প্ৰেমৰ ৰহণ সানিব দিয়া

তোমাৰ উকা প্ৰাণত

এছাটি শীতল ছাঁ হৈ ৰৱলে দিয়া

চিৰদিন তোমাৰেই কাষত

এপাহ হেপাহঁৰ গোলাপ হৈ ফুলিব দিয়া

চিৰকাল তোমাৰেই ওঠত

এজাক প্ৰেৰণাৰ বৃষ্টি হৈ বোৱাব দিয়া

তোমাৰ শুকান খৰাং মনত ...

হেমেন দাস's picture

কবিতা :: মায়া --- হেমেন দাস

আৰু নুসুধিবা ভালপোৱা কি বুলি

জুমিটো চাইছাই বুকুত স্খলিত

কোমল আকাশ,

নাজানো কিয় পলাশ সৰাৰ পৰত

মুদি দিছিলা নয়ন যুগল

হেঁপাহ যাক বিচুৰ্ণ তোমাৰ

চকুৰ পতাত ৷

মৃত্যুঞ্জয় মন্ডল's picture

কবিতা :: জুৰিমনিৰ চিঠি --- মৃত্যুঞ্জয় মন্ডল

মোৰ মনত পৰে সেই দিনবোৰ

সেয়া আছিল অন্য এক সময়ৰ

হাইস্কুলত পঢ়ি থকা দিনৰ

তুমি আছিলা যেতিয়া কাষত

যদি ওলোটাই পাৰিলো হয় দিব

সেই সময় প্ৰবাহ, ধৰি সাবটি, চুমিব

ওঠজুৰি তোমাৰ চিকমিকাই থকা,

জীৱন মোৰ নিৰব যেন এতিয়া,

এক আধৰুৱা কাহিনী,

মই হেৰুৱাইছো মোৰ পৃথিৱী খন

খোলা চকুৰ আগত,

প্ৰেম আছিলা প্ৰথম চাৱনিৰ তুমি,

মই ভালপাওঁ তোমাক ছোৱালী ,

ভালপাওঁ তোমাৰ হাঁহি,

ৰাস্তাত দেখা পালো তোমাক আজি

তুমি আহি আছিলা খোজকাঢ়ি,

মূৰত ৰঙা গোলাপ সেন্দুৰ সানি

মোক চাই হাঁহিছিলা আৰু সেই

হৃষিকেশ দাস's picture

কবিতা :: জোনাক ফুলিছে --- হৃষিকেশ দাস

গোলাপৰ পাহি যেন তোমাৰ ওঠৰ হাহিঁত

আজি মৰমে খেলিছে

একণ দুকণ ঠুনুক ঠানাক মোৰ হিয়াত

আজি হেপাহো জাগিছে

মনৰে দলিছাতে আজি প্ৰেমৰে নাচোন

জোনাক ফুলিছে আজি হৈ তোমাৰে আপোন ...

শ্বাহিদুল ইছলাম's picture

কবিতা :: আহিবানে তুমি --- শ্বাহিদুল ইছলাম

আহিবানে তুমি

নৱ বৰ্ষৰ দৰে

মনৰ মৰুদ্যান উৰ্বৰ কৰিবলে,

হৃদয়ক হৃদয় দিবলে ।

বিচাৰি ফুৰো আকাশ বতাহত

সিচিঁবলৈ সুপ্ত মৰম

তেজ ৰঙা তোমাৰ দুটি ওঁঠত,

পাতিম যে কথা হিয়া উজাৰি

গাম মই গীত নদীৰ পাৰত;

ফুৰিম মই অৰঙ-দৰঙ

হিয়াৰ গভীৰ উপত্যকাত

আকিম তোমাক মই

হৃদয় বাকৰিৰ মহা শূণ্যতাত ।

যাঁচিম মৰম ভাষাহীন ভাষাত

উপভোগ কৰিম দুয়ো

ব'হাগৰ কিনকিনীয়া বৰষুণ জাক

দুটি দেহৰ অমিয়া সুবাস ।

আশাৰ বন্তি, সৰগৰ শান্তি

মৰম নিজৰা হৈ

আহিবানে তুমি ?

Pages

বৰ্তমান জনপ্ৰিয় লিখনি

শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: গল্প
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা