অসমীয়া কবিতা

সমুজ্জ্বল ডেকা's picture

কবিতা :: অভিমান --- সমুজ্জ্বল ডেকা

ওন্দোলা মুখনি দেখি
মোৰ মুখত হেৰাল হেঁপাহৰ হাঁহি
তুমি নক'লা নাই
জানিব বিচাৰো যদিও
চৰ্ত ৰাখি তোমাক বাধ্য কৰাৰ ভুলো মই নকৰোঁ
উপায়হীনভাৱে নিজকে বাৰে বাৰে প্ৰশ্ন কৰোঁ
কিয় কৰিছা তুমি আজি ইমানকৈ অভিমান?
কাৰ ভুলৰ বাবে তোমাৰ এই কঠোৰ জীৱন সংগ্ৰাম?
ফৰকাল বতৰত আকাশ ঢাকি
কজলা মেঘে নমাই যিদৰে ক'লা ক'লা অন্ধকাৰ
মই নুবুজিলোঁ কিয় মিছাতে আনক দেখুৱাই ফুৰিছা
তোমাৰ হৃদয়খনি জুইয়ে পোৰা এটুকুৰা এঙাৰ
য'ত অনুভৱ থাকিও মুঠেই ৰস নাই
উশাহ-নিশাহ থাকিও জীৱনৰ নিজস্ব কোনো দাম নাই ৷
মই হাঁহিব খুজো

অৰ্চনা জি. শইকীয়া's picture

কবিতা :: অস্ত-ৰাগ --- অৰ্চনা জি. শইকীয়া

কিমান বিশাল হ'ব পাৰে মৌনতাৰ পৰিধি!

মন আৰু শৰীৰ..

এই নিয়ন্ত্ৰিত দূৰত্বৰ মাজত

মনত সূৰ্যটি উদয় হয়

আৰু শৰীৰত অস্ত;

আকৌ মনত উদয়..

এই বৃত্তৰ মাজত মানি চলা হয়

সহাৱস্থান নীতি,

মাত্ৰ তাত‍ সংগীবিহীন মৌনতা।

মৌনতাৰ পৰিধি বিশাল..

মন কিম্বা শৰীৰৰ উচ্চতাই

ঢুকি নাপায় মৌনতাৰ সীমনা।

যি সীমনাত ৰাগৰ অৱস্থান-

হিমনীলৰ আঙুলিৰ পৰশত

কঁপি কঁপি বাজি উঠে জীৱনৰ

সাতোটা আক্ষেপৰ ৰাগ..

তাত মৌনতাই কাণ পাতি শুনি থাকে

অব্যক্ত অনাখৰী স্পন্দন..।

সেই ৰাগ অস্ত যায় জীৱনৰ খেলপথাৰত..

হেলমিনা খাতুন's picture

কবিতা :: ছোৱালী --- হেলমিনা খাতুন

অলপ পৰিশ্ৰম কৰিবলৈ শিকি আছো
অ' জানো কষ্ট হ’ব বুলি
পিছে আমিবোৰতো ছোৱালী হয়
আমাৰ জানো যন্ত্ৰনা, আৱেগ, অনুভূতি আছে ?
আমাৰ জন্মই হৈছে
আনৰ পৰিতৃপ্তিৰ বাবে
এয়া বিধিৰ লিখন,
আমি মাথো নিয়তিৰ অধীন।
জন্মৰ পাছত পিতাইয়ে সুধিলে
বেটী! তই কি হ’বি,
মাতৃয়েও সুধিছিল বেবেৰিবাং কথাবোৰ
উত্তৰ আছিল মাথো সুখী আৰু
ভাল মানুহ হোৱাৰ।
নাছিল নহয় জ্ঞান
আজিৰ পৰিৱেশ উশৃংখলতাৰ,
সুখৰ সংজ্ঞা বিচাৰি বিচাৰি
ক'ৰবাত মানুহ হোৱাৰ মানসিকতাই হেৰুৱালো
আৰু যমৰ যাতনাত
মনুষ্যত্ব কেতিয়াবাই সিপুৰী পালেগৈ।

নবীন বৰদলৈ's picture

কবিতা :: প্ৰতিবিম্ব --- নবীন বৰদলৈ

যেতিয়া চাইবেৰিয়াৰ চৰাইজনীয়ে
হুকহুকাই কান্দে ,
যেতিয়া ইজৰাইলৰ
এজাক নিষ্পাপ শিশুয়ে কান্দে ,
যেতিয়া ব্ৰাজিলৰ অন্ধগলিৰ
প্ৰতিগৰাকী বেশ্যাই ,
কান্দো বুলি কান্দিব নোৱাৰে
তেতিয়া বাৰু তোমাৰ
চকুপানী ওলায়নে ??
নিশ্চয় নোলায় !
ওলাবই বা কিয় ,
কাৰণ
তুমি হ'লা এইখন যান্ত্ৰিক পৃথিৱীৰ
যন্ত্ৰবোৰৰ একো একোটা বুটাম ।‌
কেতিয়াবা এনে লাগে
তুমি যেন
বুটাম টিপিলেহে - কান্দিবা ।‌

সমুজ্জ্বল ডেকা's picture

কবিতা :: জন্মদিন --- সমুজ্জ্বল ডেকা

জন্মদিন
এটি অতি সুখৰ দিন ৷

আহিলে মুখত হাঁহি বিৰিঙে
মায়ে জন্মৰ সেই অসহ্যকৰ যন্ত্ৰণাখিনি পাহৰে ৷

জন্মদিনৰ হিচাপ মোৰ নাথাকিবও পাৰে
মায়ে কাহানিও নাপাহৰে ৷
মোৰ প্ৰতিটো জন্মদিন
জীৱনক ভালপোৱাৰহে জন্মদিন
মা-দেউতাৰ সপোনবোৰত মই বিলীন
কাহানিবা পাৰিম জানো পূৰাব মোক ভালপোৱাৰ ঋণ ৷
জন্মদিন লাগে
হাঁহি আনন্দ আদিৰ মিঠা মিঠা ক্ষণবোৰ ধৰি ৰাখিবলে
সময়ৰ সোঁতত একালত যদি মা-দেউতাৰ দুখ-যন্ত্ৰণাবোৰ মনলৈ নাহে
ভালপোৱা যাঁচিলে যদি মনত তীক্ততাৰহে ভাব আহে
তেন্তে জন্মদিন কিয় পালন কৰিব লাগে?

সমুজ্জ্বল ডেকা's picture

কবিতা :: ৰে'ল ষ্টেচনৰ সেই ধুনীয়া ছোৱালীজনী --- সমুজ্জ্বল ডেকা

ৰে'ল ষ্টেচনৰ সেই ধুনীয়া ছোৱালীজনী
ৰৈ আছে উকি মাৰি মাৰি ৰে'লখন অহালৈ
তাইৰ হাঁহিটি মোৰ ইমানখিনি ভাল লাগে
দুখক চেপেটা কৰি সুখৰ সমাহাৰ যিদৰে কবিৰ জীৱনলৈ আনে
তাইৰ হাঁহিত ইমানখিনি তীক্ষ্মতা আছে
এন্ধাৰেও লাজতে সঘনাই ওৰণি টানে
মোৰ অনুভৱ এনে হয় তাইৰ বাবেই এই পৃথিৱীত এন্ধাৰ আঁতৰি জোনাকী সমদল নামে ৷

সমুজ্জ্বল ডেকা's picture

কবিতা :: মাৰাং --- সমুজ্জ্বল ডেকা

সেমেকি সেমেকি টুপ্ টুপ্ সৰিল

চকুৰ বহল পতাত এজাঁক বনৰ হৰিণী চৰিল

বুকুখনিৰ ইপাৰ-সিপাৰ সোঁমাজেদি বোৱা নিজৰাৰ দুটি পাৰ;

মাৰাং অ' মাৰাং

তিয়াঁই তিয়াঁই জুৰোৱা মোৰ তীক্ষ্ণ উত্তাপিত পৰাণ ৷

গধূলিৰ শেৱালি ফুল গোন্ধতে আমোলমোল

টোপনি নাহে কি সাজে দুকাণত বাজি আছে

সুৰৰ ছন্দে-ছন্দে তোমাৰ হাঁহি কি যে গুণগুণ গুণগুণ ৷

(বি.দ্ৰ : মাৰাং শব্দৰ অৰ্থ হ'ল বৰষুণ ৷)

সমুজ্জ্বল ডেকা's picture

কবিতা :: স্তৱক (০১) --- সমুজ্জ্বল ডেকা

মুখৰ হাঁহিটিৰে ক'জলা ৰাতিবোৰ পুৱাই

বুকুৰ উচ্চতাত কোনে মূৰ দোৱাই

ৰ'দ সনা বৰষুণৰ টোপালবোৰত চকুলোঁবোৰ লুকাই

নৈখনি নুশুকাই

প্ৰেমৰ বীজ সিঁচি সিঁচি জীৱনে মাথো সপোনৰ ৰঙবোৰ দেখুৱায় ৷

পংকজ ৰাজ কলিতা's picture

কবিতা :: তোমাক মই ভাল পাব নোৱাৰোঁ --- পংকজ ৰাজ কলিতা

নৈ পাৰৰ শিমলু জোপাৰ আঁৰত

থিয় হৈ তোমাক মই চাব পাৰোঁ

ঘৰমুৱা বেলিৰ হেঙুলীয়া কিৰণে

হেঙুলীয়া কৰি তোলা তোমাৰ

চুলিতাৰিৰ প্ৰেমত মই পৰিব পাৰোঁ

তোমাক সপোনত দেখি নিজক

সুখী কৰিব পাৰোঁ

কিন্তু তোমাক মই ভাল পাব নোৱাৰোঁ

কাৰণ তোমাক দিবলৈ মোৰ

আন একো নাই আছে মাথোঁ

এখন কঙাল হৃদয় যি তোমাৰ

প্ৰেমক ধৰি ৰাখিবলৈ অসমৰ্থ ।

ভাৰ্গব বৰমুদৈ's picture

কবিতা :: কোন নো তুমি ? --- ভাৰ্গব বৰমুদৈ

জোনৰ পোহৰত ৰিম-জিম কৈ

আহিলা মোৰ বুকুলৈ

চিক-মিক কৈ দূপৰ ৰাতি

আহিলা মোৰ বুকুলৈ

আকাশত জিলিকি থকা তৰাবোৰৰ দৰে

তোমাৰ যে মূখখনি জোনৰ দৰে

নিয়ৰত তিতি বুৰি কম নেকি

কোন নো তুমি ?

Pages

বৰ্তমান জনপ্ৰিয় লিখনি

শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: প্ৰবন্ধ
শিতান: কবিতা
শিতান: গল্প
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা