Axomiya Kobita

Axomiya Kobita

সমুজ্জ্বল ডেকা's picture

কবিতা :: মাৰাং --- সমুজ্জ্বল ডেকা

সেমেকি সেমেকি টুপ্ টুপ্ সৰিল

চকুৰ বহল পতাত এজাঁক বনৰ হৰিণী চৰিল

বুকুখনিৰ ইপাৰ-সিপাৰ সোঁমাজেদি বোৱা নিজৰাৰ দুটি পাৰ;

মাৰাং অ' মাৰাং

তিয়াঁই তিয়াঁই জুৰোৱা মোৰ তীক্ষ্ণ উত্তাপিত পৰাণ ৷

গধূলিৰ শেৱালি ফুল গোন্ধতে আমোলমোল

টোপনি নাহে কি সাজে দুকাণত বাজি আছে

সুৰৰ ছন্দে-ছন্দে তোমাৰ হাঁহি কি যে গুণগুণ গুণগুণ ৷

(বি.দ্ৰ : মাৰাং শব্দৰ অৰ্থ হ'ল বৰষুণ ৷)

সমুজ্জ্বল ডেকা's picture

কবিতা :: স্তৱক (০১) --- সমুজ্জ্বল ডেকা

মুখৰ হাঁহিটিৰে ক'জলা ৰাতিবোৰ পুৱাই

বুকুৰ উচ্চতাত কোনে মূৰ দোৱাই

ৰ'দ সনা বৰষুণৰ টোপালবোৰত চকুলোঁবোৰ লুকাই

নৈখনি নুশুকাই

প্ৰেমৰ বীজ সিঁচি সিঁচি জীৱনে মাথো সপোনৰ ৰঙবোৰ দেখুৱায় ৷

সুমন দত্ত's picture

কবিতা :: তুমি আহিছিলা --- সুমন দত্ত

তুমি আহিছিলা
মোৰ সপোনত
যেতিয়া শেৱালি ফুলি
তল সৰিছিল…

তুমি আহিছিলা
অতি গোপনে গুজি দিছিলা
প্ৰেমৰ এটি বীজ
মোৰ উকা হৃদয়ৰ চোতাল খনত…

আহিছিলা তুমি
কুঁৱলিৰ ফাঁকে ফাঁকে
আনিছিলা তোমাৰ
সেমেকা চুলিৰ মাদকতা..

আৰু মই কেৱল
তধা লাগি চাই ৰ’লো
শৰৎৰ চন্দ্ৰকো পিছপেলোৱা
তোমাৰ অতুলনীয়তাক…

তুমি আহিছিলা
এজন চিত্ৰকৰৰ
তুলা চালনীৰ যেন
অমৰ সৃষ্টিহৈ…
তুমি আহিছিলা
হৃদয়ৰ প্ৰতিতো ভাজত
তোমাৰ নামটি
লিখিবলৈ…

সমুজ্জ্বল ডেকা's picture

কবিতা :: ৰাতিপুৱাৰ অনুভৱ --- সমুজ্জ্বল ডেকা

ৰাতিপুৱা টোপনিৰ পৰা সাৰ পাওঁ যেতিয়া

চোতালত কপৌ চৰাই এজাক আহি পৰে তেতিয়া

পোহনীয়া পাৰ চৰাইবোৰে

ৰুণ দি বাৰে বাৰে মাতে

দুৱাৰ খুলি দিলেই উৰি গৈ ঘৰৰ মূধচত পৰে ৷

আহ্ আহ্ আহ্ .....

মোৰ মাতত আশাৰ ৰঙবোৰ ভাহে

কপৌজাকৰ স'তে সিহঁতে একেলগে উমলে

মিতিৰালিৰ ভাষা মৰমৰ ভাষা সিহঁতে ভালকৈ বুজে

সেয়েহে হয়তো

মৰম প্ৰতিদানত আমৰণ মৰম যাঁচিব জানে

শান্তিৰ প্ৰতিদানত আমৰণ প্ৰশান্তি যাঁচিব জানে

নহ'লেনো মূল্যবোধৰ ভাবনা উৰণৰ আচৰণত কেনেকৈ জাগে ৷

ইহঁতৰ উৰণৰ বা লাগি

মোৰ দগ্ধ হৃদয়ত প্ৰাকৃতিক শীতলতা নামে ৷

মিৰাজ জুলফিক্কাৰ ৰহমান's picture

কবিতা :: প্ৰেম-প্ৰগলভ-প্ৰতাৰণা আৰু অন্যান্য --- মিৰাজ জুলফিক্কাৰ ৰহমান

মই নাজানো প্ৰেমৰ
কিমান গভীৰতাত
মৌনতাই কথা কয়..।
মই নাজানো প্ৰতাৰণা
আৰু বিচ্ছেদৰ যন্ত্ৰণাৰ
অনুভৱ কেনেকুৱা হয়।
মই নাজানো,মই দেখা নাই।

শুনিছো প্ৰেমে হেনো
জীৱনক সুন্দৰ কৰে..।
বাস্তৱত মই তাৰ প্ৰতিফলন
দেখা নাই মই নাজানো।
মই কোনো দেহজ প্ৰেমৰ
কথা কোৱা নাই...
কিম্বা...
আধুনিকতাৰ বাঢ়নী পানীৰ
সোঁতৰ দৰে বাঢ়ি অহা প্ৰেম

সমুজ্জ্বল ডেকা's picture

কবিতা :: এলান্ধু --- সমুজ্জ্বল ডেকা

ভগা মাটিৰ ঘৰ
তাতেই সংলগ্ন পাকঘৰ

চৌকাত সুমুৱাইছে আধা কেঁচা খৰি
হে হৰি,
দেখিছানে বাৰু তুমি?
নাকে মুখে ডিঙিত হেঁচা মাৰি
ধোঁৱাই কৰিছে কিদৰে তাইক ধৰ্ষনৰ বলী ৷

কলিজাত জোৰ আছে
সেয়েহে তাই ফুৱাই আছে
যিমান পাৰে ফুৱাই আছে.......
বুকুৰ উশাহবোৰ বাহিৰ ওলাই আছে
বুকুৰ উচ্চতাত
আৰু কিমান উশাহ লুকাই আছে!
তেজস্বী জুই একুৰা জ্বলোৱাৰ
আপ্ৰাণ হেঁপাহ
তাইৰ প্ৰতিটো কম্পনত আছে.....!!

মৃত্যুঞ্জয় মন্ডল's picture

কবিতা :: জুৰিমনিৰ চিঠি --- মৃত্যুঞ্জয় মন্ডল

মোৰ মনত পৰে সেই দিনবোৰ

সেয়া আছিল অন্য এক সময়ৰ

হাইস্কুলত পঢ়ি থকা দিনৰ

তুমি আছিলা যেতিয়া কাষত

যদি ওলোটাই পাৰিলো হয় দিব

সেই সময় প্ৰবাহ, ধৰি সাবটি, চুমিব

ওঠজুৰি তোমাৰ চিকমিকাই থকা,

জীৱন মোৰ নিৰব যেন এতিয়া,

এক আধৰুৱা কাহিনী,

মই হেৰুৱাইছো মোৰ পৃথিৱী খন

খোলা চকুৰ আগত,

প্ৰেম আছিলা প্ৰথম চাৱনিৰ তুমি,

মই ভালপাওঁ তোমাক ছোৱালী ,

ভালপাওঁ তোমাৰ হাঁহি,

ৰাস্তাত দেখা পালো তোমাক আজি

তুমি আহি আছিলা খোজকাঢ়ি,

মূৰত ৰঙা গোলাপ সেন্দুৰ সানি

মোক চাই হাঁহিছিলা আৰু সেই

হৃষিকেশ দাস's picture

কবিতা :: জোনাক ফুলিছে --- হৃষিকেশ দাস

গোলাপৰ পাহি যেন তোমাৰ ওঠৰ হাহিঁত

আজি মৰমে খেলিছে

একণ দুকণ ঠুনুক ঠানাক মোৰ হিয়াত

আজি হেপাহো জাগিছে

মনৰে দলিছাতে আজি প্ৰেমৰে নাচোন

জোনাক ফুলিছে আজি হৈ তোমাৰে আপোন ...

সমুজ্জ্বল ডেকা's picture

কবিতা :: ঘড়ী --- সমুজ্জ্বল ডেকা

সময় গৈ আছে সুষম দ্ৰুতিৰে

খোজকাঢ়ি খোজকাঢ়ি........

দেৱালৰ ওপৰভাগত

পিতাইয়ে আৰি থোৱা সেই ঘড়ীটোৱে

আজিও গীত গাই থাকে টিক্ টিক্ টিক্.....

পিতাই কিন্তু আজি জীয়াই নাই

কোনোবাদিনাই হাড়ত বন গজিল.....!!

দোভাগ নিশাৰ গভীৰ নিৰ্জনতাত

ইয়াৰ গানে যিমান স্পষ্ট আৰু ডাঙৰ হৈ

মোৰ কাণৰ পৰ্দাত কম্পন তোলে

সিমানেই পিতাইৰ স্মৃতিপ্ৰৱণ স্বচ্ছ সোঁতেৰে

চকুলোঁবোৰ নিগৰি

কোমল গাৰুটি মোৰ ভিজে....!!

তথাপিও গাৰুটিয়ে খং নকৰে

কিয় জানানে ?

দেউতাৰ মৃত্যুৰ পিছত

ই সদায় মোৰ লগতেই থাকে ৷

পংকজ ৰাজ কলিতা's picture

কবিতা :: নিশাৰ চিঞৰ --- পংকজ ৰাজ কলিতা

কুৱঁলী পৰা আন্ধাৰ নিশা
আকাশৰ জোনাকক এটুকুৰা
ক'লা মেঘে ঢাকি ধৰিছে ।

এটা চৰাইৰ কৰুণ চিঞৰ
মই শুনিছিলো
কিজানিবা কিবা এটা
হেৰাই যোৱাৰ বেদনাত
চিঞৰি চিঞৰি কান্দিছে ।

ক'লা মেঘ টুকুৰা আঁতৰাব পৰা
বতাহ এজাক অহা হ’লে
এজাক জোনাকৰ বৰষুণ হোৱা হ’লে
কিজানিবা হেৰাই যোৱা বোৰ
বিচাৰি পালে হেঁতেন !

Pages

বৰ্তমান জনপ্ৰিয় লিখনি

শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা
শিতান: কবিতা