কবিতা :: ঘড়ী --- সমুজ্জ্বল ডেকা

সময় গৈ আছে সুষম দ্ৰুতিৰে

খোজকাঢ়ি খোজকাঢ়ি........

দেৱালৰ ওপৰভাগত

পিতাইয়ে আৰি থোৱা সেই ঘড়ীটোৱে

আজিও গীত গাই থাকে টিক্ টিক্ টিক্.....

পিতাই কিন্তু আজি জীয়াই নাই

কোনোবাদিনাই হাড়ত বন গজিল.....!!

দোভাগ নিশাৰ গভীৰ নিৰ্জনতাত

ইয়াৰ গানে যিমান স্পষ্ট আৰু ডাঙৰ হৈ

মোৰ কাণৰ পৰ্দাত কম্পন তোলে

সিমানেই পিতাইৰ স্মৃতিপ্ৰৱণ স্বচ্ছ সোঁতেৰে

চকুলোঁবোৰ নিগৰি

কোমল গাৰুটি মোৰ ভিজে....!!

তথাপিও গাৰুটিয়ে খং নকৰে

কিয় জানানে ?

দেউতাৰ মৃত্যুৰ পিছত

ই সদায় মোৰ লগতেই থাকে ৷

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:1,041
শিতান: কবিতা
মুঠ পঢ়ুৱৈ সংখ্যা:1,536
শিতান: কবিতা
মুঠ পঢ়ুৱৈ সংখ্যা:1,499
শিতান: অসমীয়া কৌতুক
মুঠ পঢ়ুৱৈ সংখ্যা:677