কবিতা :: সেই তুমি --- মহিদুল ইছলাম বুলবুল

ৰুণজুণ মেঘমল্লিকাৰ

আতুৰবেলাত অনৰ্থক বাৰিষা

বেহাৰফুলীয়া কবিতাবোৰত

ভালপোৱাৰ একানপতীয়া বতৰা

নিৰৰ্থক অযুহাতৰ খেলিমেলিত

ধূলিয়ৰি দোভাগবেলা

অপেক্ষা আৰু অপেক্ষা

তৰাফুলীয়া ৰাত্ৰিত প্ৰিয়জনৰ অপেক্ষা

অশ্ৰুকাতৰ মালিতাৰ গুণগণ দলিচা

হেৰুৱাৰ বেদনাত যন্ত্ৰণাক্লিষ্ট কলিজা ।

এই যে অভিমানৰ কেঁকুৰিত তুমি

অহাযোৱা কৰা বাৰে বাৰে

আৰু মোৰ বেইমানী হৃদয়খনে

তোমাক দেখিও নেদেখাৰ ভাও ধৰে

কিয় জানা ?

জীৱনৰ তুলাচনীত বোলে

জাত পাতৰ ভৰ বেছি হৈ পৰে,

সমাজৰ মান জুখিব পৰাকৈ

মোৰ নিলাজ হৃদয় সাহসী হ’ব নোৱাৰে

পলৰীয়া মন লৈ জীয়াই

আছো বৰ অসহায় ভাৱে...

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:233
শিতান: কবিতা
মুঠ পঢ়ুৱৈ সংখ্যা:1,766
শিতান: কবিতা
মুঠ পঢ়ুৱৈ সংখ্যা:1,779
শিতান: কবিতা
মুঠ পঢ়ুৱৈ সংখ্যা:1,563
শিতান: কবিতা
মুঠ পঢ়ুৱৈ সংখ্যা:1,687
শিতান: কবিতা
মুঠ পঢ়ুৱৈ সংখ্যা:1,523