গল্প :: মাৰ্দাৰ --- দীপাংক শৰ্ম্মা

খবৰটো চহৰ খনত জুইৰ দৰে বিয়পি পৰিল । মৃত্যুঞ্জয় বৰুৱাৰ হত্যা । ৰাজ্যৰ প্ৰমুখ পলিটিকেল পাৰ্টী জনমুক্তি মঞ্চৰ মুখপাত্ৰ, যুবনেতা আৰু চহৰৰ এজন প্ৰখ্যাত builder আছিল এই মৃত্যুঞ্জয় বৰুৱা ।

চহৰৰ মাজেদি বৈ যোৱা বীৰজৰা নদীৰ এখন দলংৰ কাষত তেওঁৰ গাড়ী খন ৰখাই থোৱা অবস্থাত পোৱা গৈছে । মৃতদেহ চালকৰ আসনত বহি থকা অবস্থাতেই আছে । কপালত গুলীৰ চিন স্পষ্ট । সমগ্ৰ শৰীৰ তেজেৰে ৰাঙলী । চহৰৰ সকলো নিউজ চেনেলত কেৱল মাত্ৰ এতিয়া এইটোৱে খবৰ । মাৰ্দাৰ স্পট এতিয়া পুলিছে আগুৰি ৰাখিছে । Crime Scene ৰ প্ৰটিতো খুটিনাটী টুকি ৰখাত, পুলিছ ব্যস্ত ।

মৃত্যুঞ্জয় বৰুৱা যুৱনেতা হিছাপে সকলোৰে প্ৰিয়ভাজন আছিল । অতি কম বয়সতে তেঁও কামত যথেষ্ট উন্নতি কৰিছিল । অহা সপ্তাহত তেঁওৰ বিয়া আছিল । চহৰৰ ছোৱালী হাই স্কুলৰ অধ্যক্ষৰ জীয়ৰী ৰিনকিৰ লগত । বিয়া ঘৰৰ পৰাই ঠিক কৰা হৈছিল । সকলো আয়োজন সম্পূৰ্ণ হৈছিলেই । কিন্তু হথা্ৎ মৃত্যুঞ্জয়ৰ এই হত্যাক, দুয়োখন ঘৰে, যেন বিস্বাসতেই ল’ব পৰা নাই ।

Department এ কেছটোৰ তদন্ত ইন্সপেক্তৰ বীৰেন সিংঙক অৰ্পন কৰিছে । ইতিমধ্যে এই হত্যাক লৈ ৰাজনৈতিক মহলটো Blame game আৰম্ভ হৈ গৈছে । হয়টো ই এটা পলিটিকেল মাৰ্দাৰ ।

“ছাৰ, এই লিষ্ট খন লওক ।“ জনমুক্তি মঞ্চৰ কেইজনমান লীডাৰ থানালৈ সোমাই আহিল আৰু ইন্সপেক্তৰ সিংঙক কেইজনমান মানুহৰ নাম থকা লিষ্ট এখন দি ক’লে, “আমাৰ বিৰোধী পাৰ্টিৰ দুজনমান মানুহৰ নাম দিছো ছাৰ। এওলোকৰ ওপৰত আমাৰ সন্দেহ আছে, এওলোক এই হত্যাত জড়িত থাকিব পাৰে ছাৰ ।”
ইন্সপেক্তৰে ক’লে, “থিক আছে, দিছে, ৰাখি থৈছো । এতিয়া আপোনালোক যাওক প্লিজ । আমাক তদন্ত আগবঢ়াব দিয়ক । কোনো যদি দোষী হয় ইয়াৰে, সাৰি যাব নোৱাৰে । কথা দিছো । ”

প্ৰাথমিক তদন্তত মৃত্যুঞ্জয়ৰ লগত থকা নিজৰ licensed পিস্তলটো সেই সময়ত গাড়ীত পোৱা নগ’ল । কিন্তু মৃত্যুঞ্জয়ৰ মবাইল টো তেঁওৰ পকেটতেই আছিল । মবাইলত ৰিনকিৰ দুটা মিছকল । Finger print checking কৰিবৰ বাবে মবাইলটো পুলিচে collect কৰিছে । পুলিচে মবাইল টো Tracking ৰ বাবে মবাইল কম্পেনীৰ লগত যোগাযোগ কৰিছে । চালকৰ আসনৰ গ্লাছ খনৰ বাহিৰে গাড়ী খনৰ বাকী গ্লাছবোৰ উঠাই থোৱা অবস্থাতেই আছে । বেলেগ গাড়ী ৰখোৱাৰো কোনো চিন নাই । গাড়ীৰ কোনো টায়াৰৰো চিন নাই । গুলী বাহিৰৰ পৰা মাৰিছিল নে ভিতৰৰ পৰা, ইত্যাদি বহুতো কথাৰ উত্তৰ post mortem Report আহিলেহে গম পোৱা যাব ।

চহৰ খনৰ এখন প্ৰখ্যাত বাৰ Star Lodge । ইন্সপেক্তৰ সিং আৰু কেইজনমান অফিচাৰ বাৰ খনলৈ সোমাই আহিল । “Are you Mr. Jagat Saikia?” বাৰ খনত বহি Drink লৈ থকা মৃত্যুঞ্জয়ৰ বন্ধু জগত শইকীয়াক উদ্দ্যেশি ইন্সপেক্তৰে সুধিলে । “Yes” জগতে মুৰ দুপিয়ালে । “Come with us. Quick.” এইবুলি জগতক একো কথা ক’বলৈ নিদি ইন্সপেক্তৰ সিংঙে জগতক পুলিচৰ জীপত উঠালেহি আৰু থানা পোৱালেহি । বিভিন্ন প্ৰশ্নৰ মাজত জগতক, ইন্সপেক্তৰে সুধিলে । “চাওক মিষ্টাৰ জগত, আপুনি মৃত্যুঞ্জয়ৰ ৰ এজন ভাল বন্ধু আছিল । আপোনাৰ ঘৰলৈও তেঁওৰ আহযাহ আছিল । এইবোৰ আমি জানো । কিন্তু এটা কথা সছাকৈয়ে কওকচোন, মৃত্যুঞ্জয় কোনো Anti Social Activity ত জড়িত আছিল নেকি ?” জগতে ক’লে, “No Inspector, সি কোনো Anti Social Activity ত জড়িত নাছিল । তাৰ Mindset তেনে নাছিলেই । কথা প্ৰসঙ্গত তো সিয়েই মোক এদিন কৈছিল – নিজৰ দেশ বুলিলে, পেঞ্চিলেৰে মেপত অঁকা কেবল এটা Boundary ক জানিলেই নহ’ব । দেশক লৈ গৌৰৱ কৰিব পাৰিব লাগিব আৰু তাৰ বাবে জানিব লাগিব দেশৰ বুৰঞ্জী । নতুন প্ৰজন্মই যদি দেশৰ বুৰঞ্জীয়েই নাজানে তাহাতৰ মনত ক’ৰপৰা দেশপ্ৰেম জাগিব । নিজৰ দেশক ইমান ভাল পোৱা ল’ৰা এজন এতিয়া আপুনিয়েই কওক ইন্সপেক্তৰ, কিদৰে নিজে Anti Social Activity ত জড়িত থাকিব পাৰে । এইটো এংগল আপুনি বাদেই দিব পাৰে ইন্সপেক্তৰ ।”

অলপ সময় জগতক লক্ষ্য কৰি ইন্সপেক্তৰ সিংঙে ক’লে – “চাওক জগত, কোনটো এগংল আমি consider কৰিম, কোনটো বাদ দিম, সেয়া আমি decide কৰিম, কেবল আপুনি আমাৰ পৰা একো কথা লুকুৱাৰ চেষ্টা নকৰিব । অ’ আৰু এটা কথা, কেছ solve নোহোৱালৈকে এই চহৰ এৰি নাযাব । যাব পাৰে এতিয়া আপুনি ।

জগত গুচি যোৱাৰ পাছতেই Assistance Inspector নবীন দত্ত সোমাই আহিল আৰু ক’লে, “ছাৰ, এইখন চাওক। ম’বাইল কোম্পানীয়ে Phone number Tracking কৰিবলৈ দিয়া লিষ্টখন দিছে, হত্যাৰ সময়ত Murder Spot ৰ আশেপাশে থকা নম্বৰটো কাৰ জানেনে ছাৰ, জনমুক্তি পাৰ্টীৰ Treasurer দেৱ শইকীয়াৰ নম্বৰ । কি কৰো ছাৰ । উঠাই আনো নেকি ? ইন্সপেক্তৰে উত্তৰ দিলে “ No. এতিয়া একো নকৰিব । কেৱল তেঁওৰ পিচত দুজন মান খবৰি লগাই দিয়ক । শইকীয়াৰ গতিবিধি বোৰ ভালদৰে লক্ষ্য কৰক” ।

দত্তই মাত লগালে “অকে ছাৰ, আৰু এয়া চাওক মৃত্যুঞ্জয়ৰ মোবাইল ল’কেচন Tracking ৰিৰ্পট । হত্যাৰ দিনা তেঁওৰ ল’কেচন বোৰ আছিল এনেকুৱা । প্ৰথমতে ঘৰ, তাৰ পাছত ৰাইদোং চাৰিআলি, আৰু তাৰ পাছত মাধপুৰ চাহ বাগান হৈ বীৰজৰা নৈৰ সেই দলংখন । আনফালে মোবাইল ক’ল Logs তো কোনো সন্দেহজনক দীঘলীয়া ফোন ক’লো নাই । সকলোবোৰ মাত্ৰ দিনৌ অহা ব্যৱসায় সম্বন্ধীয় ফোন ক’ল .”
“অ’কে ঠিক আছে, এটা কাম কৰক দত্ত”, ইন্সপেক্তৰ সিংঙে কৈ গ’ল । “এই জেগা খিনিৰ ভিতৰত, কোনোবা দোকানত থকা, বা আমাৰ Traffic Signal ত থকা, CCTv ৰ Footage বোৰ সংগ্ৰহ কৰক । Check কৰক । হওক নহওক এই জেগা খিনিৰ ভিতৰতেই কোনোবা ঠাইত তেঁওৰ গাড়ীত হত্যাকাৰী উঠিছিল । এটা কাম কৰো । দেৱ শইকীয়াৰ দৰে আন সকলোৰে সেইদিনতোৰ ম’বাইল বিলাকৰ location Scan কৰা যাওক । যিখিনি location সেইদিনা পিড়িতৰ ম’বাইলৰ ওচৰে পাজৰে আছিল তাৰ লিষ্ট ওলোৱা যাওক । টান কাম হ’ব, কিন্তু কৰা যাওক । Come, Let’s do it. “
সেইমতে জনমুক্তিমঞ্চ পাৰ্টীৰ কৰ্ম্মকৰ্ত্তা, বিৰোধী পাৰ্টীৰ কৰ্ম্মকৰ্ত্তা, মৃতকৰ ঘৰৰ সদস্য সকলৰ, বন্ধু মহলৰ সেইদিনতোৰ Phone Location Track কৰাৰ লগতে পুলিছে সোধা পোছা জেৰা ইত্যাদি তীব্ৰ কৰি তুলিলে।

প’ষ্টমৰ্টেম ৰিৰ্পট প্ৰকাশ পালে । ৰিৰ্পট মতে, মৃত্যঞ্জয়ৰ পিষ্টলেৰে শুন্য দুৰত্তৰ পৰা, তেঁওক কপালত গুলীয়াই হত্যা ক’ৰা হৈছে । Two Bullets injury দেখা পোৱা গৈছে । গুলী ব্ৰেইনত ফুটা কৰি গৈছে । তাৰ ফলতেই তেঁওৰ মৃত্যু হৈছে । ঘটনাৰ সময় মৃতদেহ উদ্ধাৰ হোৱাৰ ২ ঘন্টা মান আগতেই হৈছে । ইয়াৰ প’ৰা এটা ক’থা স্পষ্ট যে সেইদিনা গাড়ীত আৰু কোনোবা আছিল যি মৃত্যঞ্জয়ৰ পিষ্টলেৰে তাক গুলীয়াই পিষ্টল লৈ উধাও হৈছে।

তীব্ৰ গতিত জীপ আগবাঢ়িছে । “যোগেন ক’ত ৰৈ আছে ?” ইন্সপেক্তৰ সিঙে শুধিলে । Constable বিমলে ক’লে, “তাহাতৰ মাধপুৰ বাগানত folk Music function চলি আছে ছাৰ । কলিকতাৰ folk studio বেন্দ আহিছে । সি আমালৈ তাতে ৰৈ আছে । ” পুলিছৰ খবৰি যোগেনক মৃত্যুঞ্জয়ৰ বাগদত্তা ৰিংকিৰ পিছত যোৱা কেবাদিনো ধৰি লগাই থৈছিল । অলপ পিছত Turning এটা লৈ বাগানৰ মাজেদি পুলিছৰ কনভয় আগবাঢ়িব ধৰিলে । আধা কিলোমিটাৰ মান যোৱাৰ পাছত হলৰ ওচৰ পাই গাড়ী ৰখালে । পুলিছ দেখি যোগেনে Function হলৰ প’ৰা ওলাই আহিল । “ৱাহ গানটো বঢ়িয়া গাইছে দেই ।” এইবুলি কৈ ইন্সপেক্তৰে এনে ধৰেনেৰে তাৰ ওচৰত ৰ’ল যেন যোগেনক চিনিহে নাপায় । “পিছে মোৰ কামটোৰ কি হ’ল ?” ইন্সপেক্তৰে শুধিলে ।

যোগেনে কৈ গ’ল । “ৰিংকিৰ একদ’ম clean history sir.” পুৰনা প্ৰেমিক বা তেনে কিবা এংগল, একো নাই ছাৰ । তাই Municipality অফিচত কাম কৰে, বচ অফিচ আৰু ঘৰ । বিশেষ একো নাপালো ছাৰ ।“ ইন্সপেক্তৰে আকৌ শুধিলে । “অকে পিছে সেইদিনা মৃত্যুঞ্জয় বাগান কিয় আহিছিল?” যোগেনে কৈ গ’ল । “ছাৰ, সেইদিনা তেঁও বাগানৰ বৰ বাবুৰ ঘৰলৈ আহিছিল । তেও হেনো চহৰৰ Builder নজৰত হুছেইনৰ কিবা ফাইলৰ বিষয়ে শুধিব আহিছিল। মই তেওঁৰ তাত কাম কৰা ল’ৰা বিজয় যে তাৰ পৰা গম পালো । “অকে ” এইবুলি যোগেনক টকা ১০০ দি ইন্সপেক্তৰে গাড়ী ঘুৰালে ।

“কি হ’ল ম’ন মাৰি গান শুনি বহি আছ যে ।” ছুটিংৰ প্ৰেকটিছলৈ নাযাৱ নেকি ? ভালকৈ প্ৰেকটিছ কৰ এইবাৰ, National Gold Medal আনিবই লাগিব ।” জগতে তাৰ ভনীয়েক আল্পনাক শুধিলে । আল্পনাই বিছনাতে বহি পুৰনা হিন্দী গান এটি শুনি আছিল । জগতে তাইক বৰ মৰম ক’ৰে । হাজাৰ হ’লেও একমাত্ৰ ভনীয়েক তাই । আল্পনাই ছুটিংত ভাল নাম কৰিছে । এইবাৰ তাই National খেলিবলৈ Chance পাইছে । “নাই নাযাঁও দে । কিবা ভাল লগা নাই মন চন ।” তাই ক’লে । “এৰা মোৰো যোৰহাটলৈ যাব লগা আছিল । পিছে ক’ত যাবি আৰু । পুলিছে চহৰ এৰি ক’তো যাৱ মানাই কৰিছে নহয় । “ হুমুনিয়াহ এটি কাঢ়ি জগতে ক’লে ।
ৰাস্তাৰ মাজেদি পুলিছৰ জীপ তীব্ৰ গতিত আগবাঢ়িছে । চহৰৰ আন এজন প্ৰখ্যাত builder নজৰত হুছেইনৰ অফিছ অভিমুখে । এক সুত্ৰৰ পৰা পুলিছে জানিব পাৰিছিল যে তেঁও অলপতে এটা contract ক লৈ তীব্ৰ কাজিয়াত লিপ্ত হৈছিল, মৃত্যুঞ্জয়ৰ সৈতে । অফিছ পাই ইন্সপেক্তৰে হুছেইনৰ পৰা সবিশেষ জানিব বিচাৰিলে । হুছেইনে ক’লে – “চাওক ইন্সপেক্তৰ, মই স্বীকাৰ কৰিছো সেইদিনা মই তেওৰ ওপৰত বহুতেই গ’ৰম হৈছিলো । But that is purely on business issue. তেঁও মোৰ পাবলগীয়া contract এটা double cross কৰি কাঢ়ি লৈছিল আৰু তেতিয়া মই তেওঁৰ অফিছতে খঙত তেওক চাই ল’ম বুলি ধমকিও দিছিলো । কিন্তু তাৰ মানে এইটো নুবুজাই যে তেওক মই হত্যা কৰিম । আমাৰ লাইনত এইবোৰটো day to day part of the job. কেতিয়াবা contract মই পাও । কেতিয়াবা আনৰ হাতলৈ যায়, আৰু contract মই নাপালো বুলিয়েই মই মাৰ্দাৰৰ দৰে পথ কিয় ল’ম ইন্সপেক্তৰ ? There is no logic at all.”

হুছেইনে কথা বোৰ কৈ যাঁওতে ইন্সপেক্তৰে তেওঁৰ Body language লক্ষ্য কৰি আছিল ।সচা, মিছা বহু কথাই ইন্সপেক্তৰে অনুমান কৰিব পাৰিছিল । তেঁও হুছেইনক সুধি চালে । “কিন্তু মৃত্যুঞ্জয়ৰ মৃত্যুৰ পাছত এতিয়া আপোনাৰ সকলো পথ মুকলি হ’ল । After all no competition now. “

“Wrong”, হুছেইনে উত্তৰ দিলে । “ভুল বুজিছে ইন্সপেক্তৰ, ২০ বছৰৰ experience মোৰ এই লাইনত । contract পাবলৈ হত্যাৰ দৰে সিদ্ধান্ত মই ন’লও । Competition মই ভাল পাঁও, পিছে আপুনি ভবাৰ দৰে, মৃত্যুঞ্জয় মোৰ বাবে ইমান ডাঙৰ কম্পিটিতৰ নাছিল । For me, He is just an another builder.”

“থিক আছে মিষ্টাৰ হুছেইন, আমি এতিয়া যাও । কিবা দৰকাৰ পৰিলে থানালৈ মাতিম আপোনাক । আশা কৰো সহযোগ কৰিব ।“ কথাখিনি কৈ ইন্সপেক্তৰ সিঙে এবাৰ হুছেইনৰ ৰুমটোত চকু ফুৰালে আৰু লাহেকৈ ওলাই গ’ল।

ইফালে জনমুক্তি মঞ্চৰ নেতাবোৰে থানাত হুলস্থুল লগাই দিছে । এতিয়ালৈকে দোষীক কিয় ধৰিব পৰা নাই । বিৰোধী দলৰ মানুহক এৰেষ্ট কৰি, কিয় মুকলি কৰি দিছে, ইত্যাদি বহুত প্ৰশ্ন । তেওলোকৰ মতে, মৃত্যুঞ্জয় পাৰ্টীৰ, এজন খুব দক্ষ্য নেতা আছিল । মৃত্যুঞ্জয়ৰ চেষ্টাতেই অহাবাৰ ইলেক্সনত জনমঞ্চ শাসনত অহাটো খাটাং আছিল । জনমঞ্চ যাতে শাসনত আহিব নোৱাৰে তাৰ বাবে হেনো তাক হত্যা কৰি পাৰ্টীক দুৰ্বল কৰিব বিছাৰিছে । হত্যাকাৰীক সোনকালে ধৰিব নোৱাৰিলে সিঁহতে আন্দোলন কৰি চহৰ উতপ্ত কৰাৰ ধমকিও দিছে ।

“ছাৰ”, Sub-Inspector দত্তই, ইন্সপেক্তৰ সিঙৰ ৰুমলৈ সোমাই আহি কলে । “Sir, Treasurer দেৱ শইকীয়াৰ পাছত দুজন মানুহ লগাইছিলো ছাৰ । খবৰ এটা পাইছো । শইকীয়া যোৱাকালি বিৰজৰা নৈৰ সেই দলংৰ ওচৰৰ, মেটেকা ৰ্গাঁওৰ জীৱন নামৰ ঠিকাদাৰ এজনৰ ঘৰত গৈছিল। শুনামতে তাক কিহবাৰ বাবে দেৱ শইকীয়াই টকা দিছে ছাৰ ।”

“থিক আছে এটা কাম কৰক দত্ত ।“ ইন্সপেক্তৰ সিঙে ক’লে । “শইকীয়া আৰু ঠিকাদাৰ জীৱনক একে সময়তে গ্ৰেফতাৰ কৰক আৰু বেলেগ বেলেগ ৰুমত একে সময়তে জেৰা কৰক । সিহঁতৰ statement বোৰ নোট কৰক । Let’s See দুয়োজনৰ কথাৰ মিল আছেনে নাই ।”

নিৰ্দেশ মতে অপাৰেছন সঞ্চালন কৰা হ’ল । উৰ্পযুপৰি কৰা জেৰাৰ অন্তত শইকীয়াই স্বীকাৰ কৰিলে যে হত্যাৰ দিনা আৰু কালি তেঁও জীৱন ঠিকাদাৰৰ ঘৰলৈ গৈছিল । হত্যাৰ দিনা শইকীয়াই 1st. installment আৰু কালি 2nd installment ৰ জীৱনে পাবলগীয়া টকা খিনি দিছিলগৈ , কিন্তু সেয়া হত্যাৰ লগত কোনো সৰ্ম্পক নাই । সেয়া কেৱল এক সংযোগ মাত্ৰ । জীৱনে পাৰ্টীৰ মিটিঙৰ বাবে মাজে মাজে দৰ্শকৰ যোগান ধৰে । কেইদিন মানৰ আগতে হোৱা মিটিঙ এখনৰ Crowd Supply ৰ পেমেন্ট আছিল সেয়া । যিহেতু শইকীয়া আৰু জীৱন দুয়ো বন্ধু, সেয়ে টকাতো তেও জীৱনক, ব্যক্তিগত ভাবে লগ কৰি দিছিলগৈ । পুলিছে জীৱনৰ পৰাও সেই একে ভাষ্য পালে । কিন্ত এই সন্দৰ্ভত পুলিছে আৰু কিছু তথ্য পাবৰ বাবে তেওলোকক পুলিছ জীম্মাত ৰাখিলে ।

চহৰ খনত পুলিছৰ search operation তীব্ৰ কৰি তোলা হৈছে । চহৰৰ বাহিৰলৈ যোৱা সকলো পথত checking চলি আছে । CCTV ফুটেজ বোৰো check কৰা হৈছে । মাৰ্দাৰ স্পটৰ আশেপাশে সকলো অঞ্চল scan কৰি পোৱা তথ্যৰ ভিত্তিত analysis চলি আছে । মৃত্যুঞ্জয়ৰ ব্যবসায়ৰ সকলো contacts, পলিটিকেল পাৰ্টীৰ সকলো contacts এটা এটাকে scan কৰা হৈছে । পুলিছ ৰেৰ্কদত নাম থকা, চহৰৰ যিমান অপৰাধী আছে সকলোকে জেৰা কৰি থকা হৈছে । কিন্তু সকলোবোৰ তথ্য গৈ গৈ এটা মহা শুন্যত শেষ হয়গৈ ।

মৃত্যুঞ্জয়ৰ হত্যা আজি দুমাহ হ’বৰ হ’লহি । আজি পৰ্য্যন্ত হত্যাকাৰী মুকলি আকাশৰ তলত । আনফালে জনমঞ্চ পাৰ্টীয়ে প্ৰতিবাদ অব্যাহত ৰাখিছে । চহৰ খন মৃত্যুঞ্জয়ৰ হত্যাত উতপ্ত হৈ উঠিছে । পুলিছে এতিয়া চহৰ খনৰ আইন ব্যৱস্থাই চাই নে হত্যাৰ তদন্ত কৰে । কেছটো CBI লৈ Transfer কৰাৰো আবেদন আহিছে পাৰ্টীৰ পৰা । এইবোৰকে ভাবি ভাবি ইন্সপেক্তৰ সিঙ বৰ্তমান থানাতেই আছিল । হঠাত থানালৈ এটা ফোন আহিল । “মই কোনে কৈছো পিছত শুধিব । আপোনালোকৰ পুলিছ টীম লৈ জগতৰ ঘৰলৈ আহক সোনকালে । ” এইবুলি কৈ ফোনটো সিফালৰ পৰা কাটি দিলে । লগে লগে ইন্সপেক্তৰে জীপ Start দিলে । জগতৰ ঘৰলৈ বুলি । জগতৰ ঘৰ পাই দেখে বহুত মানুহ । ইন্সপেক্তৰ সিঙ লাহে লাহে সোমাই গল । কিন্তু এয়া কি জগতৰ ভনীয়েক আল্পনাৰ মৃতদেহ মাটিত পৰি আছে । মৃতদেহৰ কাষতে মাকে কান্দি আছে । জগত, তাৰ ভায়েক, বাপেক সকলো নিৰব । তাত থকা constable এজনে এখন কাগজ ইন্সপেক্তৰলৈ আগবঢ়াই দি ক’লে , “ছাৰ চুইচাইড ন’ট ।“ ইন্সপেক্তৰে লাহেকৈ ন’টটো পঢ়িব ধৰিলে ।

“মোৰ মৃত্যুৰ বাবে কোনো দায়ী নহয় । মই অনুশোচনাত ভুগীহে এই পথ বাচি ল’লো । মৃত্যুঞ্জয়ক মই ভাল পাইছিলো, কিন্তু সি, মোৰ ভালপোৱা বাৰে বাৰে প্ৰত্যাখ্যান কৰিছিল । হয়টো মোৰ প্ৰেম একপক্ষীয় আছিল । কিন্তু মোৰ এনে লাগিছিল যেন, সি যদি মোৰ নহয়, তেনেহ’লে তাক মই আন কাৰোৰে হ’ব দিব নোৱাৰিম । সেইদিনা সেয়ে, তাক মই ৰাইদং চাৰিআলিত লগ পাই ফুৰিবলৈ লগ ধৰিছিলো নদীৰ পিনে । সি মান্তি হোৱাত মই তাৰ গাড়ীত উঠি লৈছিলো । তাৰ ওচৰত মই মোৰ ভালপোৱা আকৌ এবাৰ প্ৰকাশ কৰিছিলো । কিন্তু সি আগৰদৰে উৰুৱাই দিছিল । সি কেতিয়াও মোক বুজিবৰ চেষ্টাই কৰা নাছিল । মই হতাশাত ভাগি পৰিছিলো । আৰু এটা সময়ত ছেগ বুজি তাৰ পিষ্টলটো মই উলিয়াই লৈছিলো । সি, গাড়ীৰ DashBoard ত, তাৰ পিষ্টল যে ৰাখে, সেয়া মই আগৰেপৰা জানিছিলো । সি মই ধেমালী কৰা বুলি ভাবিছিল আৰু সেয়ে একো বাধাও দিয়া নাছিল । সেইদিনা মই তাৰেই পিষ্টলেৰে তাক হত্যা কৰিছিলো । পিষ্টলটো ভয়তে মই লৈ আহিছিলো আৰু বাৰীৰ পিছফালে পুতি থইছিলো । কিন্তু তাৰ পিছৰে পৰা মই অনুশোচনাত ভুগিব ধৰিলো । কতোৱেই মই মন বহাব পৰা নাছিলো । তাৰ অবিহনে, মই আৰু জীয়াই থাকিব নোখোজো । আজি সেয়ে মই চৰম সিদ্ধান্ত লৈ পেলালো । পাৰিলে ক্ষমা কৰি দিব । “

ইন্সপেক্তৰৰ নিৰ্দেশত ঘৰৰ পিছফালটো বিচাৰি পিষ্টলটো, পুতি থোৱা অৱস্থাত সছাকৈয়ে পোৱা গ’ল । Handwriting Experts ৰ দ্বাৰা Check কৰি চুইচাইদ ন’ট টো আল্পনাই নিজে লিখা বুলি সাব্যস্ত হ’ল ।

ইন্সপেক্তৰে ম’নে ম’নে এবাৰ ভাবিলে । ৰাইদোং চাৰিআলীৰ CCTV কেইটা ভালে থকা হ’লে, এই কেছটোৰ সমাধান আগতেই কৰিব পাৰিলোহেতেন । Department য়ে CCTV ৰ Annual Maintenance ৰ বাজেট নাৰাখেই নহয় । একো নহ’লেও আল্পনাক আত্মহত্যা কৰাৰ প’ৰাটো বচাব পাৰিলোহেতেন ।

মৃত্যুঞ্জয়ৰ হত্যাৰ দুমহীয়া Search Operation এইদৰেযে শেষ হ’ব, কোনেও, ভাবিবই পৰা নাছিল ।

…………………
(এই গল্পটিৰ নাট্যৰুপ YouTube ত শুনিবলৈ Click/Select কৰক এই লিংকত https://goo.gl/gXbg6m )
………………….

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:1,544
শিতান: কবিতা
মুঠ পঢ়ুৱৈ সংখ্যা:806
শিতান: কবিতা
মুঠ পঢ়ুৱৈ সংখ্যা:1,394
শিতান: গল্প
মুঠ পঢ়ুৱৈ সংখ্যা:1,774
শিতান: কবিতা
মুঠ পঢ়ুৱৈ সংখ্যা:1,698
শিতান: কবিতা
মুঠ পঢ়ুৱৈ সংখ্যা:1,445