মৰমৰ এটি চুমা --- পলাশ প্ৰান্তিক

তুমি মোলৈ ফোন নকৰিবা
মন গ’লে চিঠি এখন লিখিবা
চিঠিৰ খামত পঠিয়াবা
আচুঁ সূতা গামোচা
কেতেকী চৰাইৰ মাত
উষ্ণ স্তনৰ সুখৰ অনুভূতি

তোমাৰ চিঠি পালে মইয়ো লিখিম
মৰমৰ –
মন ফাগুণত প্ৰথম মেঘৰ মাদল বাজিছে
ৰঙা মদাৰৰ ডালত কলিজা ৰঙা কৰি
নিৰস পথাৰখন হৈ পৰিছে
হেঁপাহৰ পালতৰা নাও

তুমি চাগে মোৰ চিঠিখন পালে
পছোৱা বতাহ এচাতি হৈ আহিবা
মইয়ো তোমাৰ অপেক্ষাত
খিৰিকীখুলি ৰৈ থাকিম
উৰে ৰাতি গোলাপৰ বাগিচা এখন
বুকুত সাৱতি আমি দুয়ো শুই থাকিম
মন গ’লে এপাহ এপাহকৈ খুলিম
ৰজনীগন্ধা ফুলৰ পাহি

তুমি মোলৈ ফোন নকৰিবা
মন গ’লে চিঠিৰ খামত পঠিয়াবা
মৰমৰ এটি চুমা . . . . .

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:2,082
শিতান: কবিতা
মুঠ পঢ়ুৱৈ সংখ্যা:1,092
শিতান: কবিতা
মুঠ পঢ়ুৱৈ সংখ্যা:2,038
শিতান: কবিতা
মুঠ পঢ়ুৱৈ সংখ্যা:1,489
শিতান: কবিতা
মুঠ পঢ়ুৱৈ সংখ্যা:1,930