বেশ্যা

কবিতা :: মোৰ ভালপোৱা --- প্ৰশান্ত ধোন সোণোৱাল

মই যাক ভালপাওঁ
তাই হ'ব পাৰে সতী সাবিত্ৰী
অথবা
নহ'ব পাৰে বেশ্যা |

মই যাক ভালপাওঁ
তাই হ'ল এগৰাকী নাৰী

যিয়ে বুজে জীৱন আৰু ভালপোৱাৰ সংজ্ঞা |

তাতকৈ বেছি আৰু মোক কি লাগে ??

তাতকৈ বেছি মই বুজি নাপাওঁ
কাৰণ ,
সিবোৰ মোৰ সাধ্যৰ বাহিৰত,
যিহেতু,
মই
মাগুৰ মাছতকৈ কম জ্ঞানী !!

দেখি শুনি শিকো
পিছে
বুজিব নোৱাৰো |

কবিতা :: বেশ্যা --- সমুজ্জ্বল ডেকা

তোৰ উঁকা কপালত

ৰঙা সেন্দুৰৰ ফোঁটটি কিমান জ্বলে ?

নে মুঠেই নজ্বলে

যদি জ্বলে

ই কিয় ঢিমিক-ঢামাক্ জ্বলে ?

তোৰো এখন বহল হৃদয় আছে

তোৰ মনেও পবিত্ৰতাৰে আকাশ চুব খুজে

কিয় নুবুজে ?

তই অসহায় হ'লে সহায় কৰে

প্ৰতিদান বিচাৰি কিমানেই তোক হাৰাশাস্তি কৰে !

ধৰ্ষণ নতুবা অবৈধ আলিংগন

নাথাকে য'ত ভালপোৱাৰ থ'ল

সুগন্ধিত দেহটি কিমানেই কৰে দাম-দৰ

ইমানকৈ শোষণ কৰাৰ পিছতো

সিহঁতৰ মুঠেই নকমে যৌনতাৰ ভোক-জ্বৰ ৷

কিয় ?

তোকহে নষ্ট কলংকিনী বুলি

সমাজখনে কেৱল উপহাস কৰে

কিন্তু তোক নষ্ট কৰাসকলে

স্বীকাৰোক্তি --- ৰঞ্জন ভূঞা

মন গ'লেই প্ৰেমত পৰিব পাৰোঁ যাৰে তাৰে
চহৰৰ আধুনিক নাৰী নতুবা জাকৈ মৰা ছোৱালীৰ
ৰোৱনী, দাৱনী, নাৱৰীয়াৰ জীয়াৰী, পাহাৰী ৰমণীৰ
নতুবা কোনো বেশ্যাৰ প্ৰেমত পৰিব পাৰোঁ মন গ'লেই ৷

আজন্ম মুক্ত বিহঙ্গ মই,
বাধা দি ৰাখিব নোৱাৰে তেওঁৰ দুচকুৰ অবুজ ভাষাই
আকুল আহ্বান নেওচি গুছি যাব পাৰোঁ
অচিন প্ৰেয়সীৰ মৰমত ওমলিব ৷

তেওঁৰ চকুত নাথাকে মোৰ সুখ
তেওঁৰ ওঁঠত নাথাকে মোৰ ভোক
তেওঁ অপেক্ষা মাথোঁ যুগান্তৰৰ
তেওঁ তপস্যা মাথোঁ জীৱনৰ ৷
যদিও কথা আছিল আজীৱন সংগী হোৱাৰ
মন গ'লেই গুছি যাব পাৰোঁশান্তি বিচাৰি
পাহাৰ ভৈয়াম নেওচি অচিন দেশলৈ ৷

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:2,693
শিতান: কবিতা
মুঠ পঢ়ুৱৈ সংখ্যা:793
শিতান: কবিতা
মুঠ পঢ়ুৱৈ সংখ্যা:3,985
শিতান: কবিতা
মুঠ পঢ়ুৱৈ সংখ্যা:1,171
শিতান: কবিতা
মুঠ পঢ়ুৱৈ সংখ্যা:2,242