মা কবিতা

কবিতা :: এয়াই মোৰ চেনেহী আই --- সমুজ্জ্বল ডেকা

দূৰৈৰ বাঁহীৰ সুৰে ৰাতিৰ নিজানত
মনক বৰকৈ আমনি কৰে
তথাপিয়ো নালাগে এয়া !
টোপনি নিয়াবলৈ মোৰ আইৰ নিচুকনি গীত আছে
যাৰ সুৰীয়া মাতত
অনুভৱবোৰ সামৰি মোৰ প্ৰাণে ভোক-পিয়াহ পাহৰে ৷
কপালতে হাতখনি বুলাই
যিয়ে ভালপোৱাৰ আদিপাঠ শিকায়
এয়াই মোৰ চেনেহী আই!
সুখময় কোলাত শুৱাই ভাগৰ আঁতৰাই
আৰু সপোনবোৰৰ স'তে তুলি-টালি
যিয়ে দিনে-প্ৰতিদিনে ডাঙৰ হোৱাৰ অনুশীলন কৰোৱায়
এয়াই মোৰ চেনেহী আই !
দুখ মোৰ ক'ত আছে ?
সুখ মোৰ জীৱনৰ আকাশে-বতাহে
দোষ আৰু ভুল আঙুলিয়াই যিয়ে সাহসেৰে সততাৰ পথ দেখুৱায়
এয়াই মোৰ চেনেহী আই !

মা --- মিৰাজুল ৰাছিদ

মা সপোনৰৰ পাছে পাছে দৌৰি মই ভাগৰি পৰিছো

এতিয়া মাথো তোমাৰ আচলৰ ছাঁত ক্ষন্তেক জিৰাবলৈ মন

মা, তোমাৰ মূখখনিত আছে মই বিচাৰি ফুৰা পৃথিৱী খন,

তোমাৰ দুচকুৰ আকাশত আছে মই বিচাৰা বৰষুণ জাক,

মা তোমাৰ চৰণৰ তলতেই আছে মই বিচৰা সৰগ খনি ৷

মা ভাগৰি পৰিছো মই সুখ বিচাৰি,

আঙ্গলি বুলাই দিয়ানা মোৰ চুলিৰ মাজেৰে,

মোক শুনোৱা পৰীৰ দেশৰ কাহিনী,

যেনেদৰে শুনাইছিলা ল'ৰালিতে

তাকেই শুনি শুই যাও দিয়া মই মা

…. ভাগৰি পৰিছো মই , মা ভাগৰি পৰিছো মই ৷

+++++++++++++++++++++

Mirajul Rashid
Hajo, Kamrup (Assam)

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:2,090
শিতান: কবিতা
মুঠ পঢ়ুৱৈ সংখ্যা:2,272
শিতান: কবিতা
মুঠ পঢ়ুৱৈ সংখ্যা:3,031
শিতান: কবিতা
মুঠ পঢ়ুৱৈ সংখ্যা:2,326
শিতান: কবিতা
মুঠ পঢ়ুৱৈ সংখ্যা:2,700