মৰমৰ দেউতা

কবিতা :: পিতা --- জাহাঙ্গীৰ আলম

সন্তানৰ সুখ শান্তিৰ বাবে
ভৱিষ্যতৰ মংগলৰ বাবে
নিজৰ আৰামৰ বিসৰ্জন দি
দিনে নিশাই কঠোৰ পৰিশ্ৰম কৰি
সন্তানৰ এটি মাত্ৰ সপোন পূৰণৰ বাবে
এক দীঘলীয়া যাত্ৰালৈ ওলাই পৰে ৷

পিতা হ'ল এটা পৰিয়ালৰ ছায়া
যি ছায়াৰ আঁৰত লুকাই থাকে
মৰম আৰু স্নেহৰ খাজনা
যি খাজনাৰ মৰম আৰু স্নেহ
সন্তানৰ বাবে কাহানিও শেষ নহয় ৷

ওৰে জীৱন মৰম আৰু ভালপোৱাৰে
পৰিয়ালটোক আলফুলে আৱৰি ৰাখে
ভোক পিয়াহৰ যন্ত্ৰণা নিজে সহি
নিজৰ যন্ত্ৰণাক যেন কোনেও বুজিব নোৱাৰে
অনবৰতে হাঁহিমুখে হাঁহি হাঁহি
সন্তানৰ সুখৰ বাবে জীয়াই থাকে ৷

কবিতা :: শ্ৰদ্ধেয় দেউতা --- দিলীপ কুমাৰ শৰ্মা

আজি তোমালৈ বৰকৈ মনত পৰিছে
কৰ্তব্য আৰু দায়িত্বৰ আবেষ্টনিৰ মাজত
তোমাৰ সেই সদাব্যস্ত মুখখন
প্ৰতিশ্ৰুতিৰে ভৰা সুউজ্জ্বল চকুহাল
সোণালী সপোণ কঢ়িয়াই ফুৰা বিশাল অন্তৰখন
আজি বাৰে বাৰে মনলৈ আহিছে ।

শৈশৱত তুমিয়েই আছিলা মোৰ পৰম সুহৃদ
শাওনীয়া পথাৰৰ বোকাপানীৰ মাজত
মুৰত তাল পাতৰ জাপি আৰু হাতত কোৰ লৈ
কিমান যে পুৰণি আলি চিকুণাই নকৈ সঁজাইছিলা ।
আজি বাৰে বাৰে মনত পৰিছে
ধাননি পথাৰখন সঁজাল হৈ উঠিলে
তোমাৰ চকুত ভাঁহি উঠা সুখৰ অনুভূতি !
আৰু বানে ধুই নিয়া পথাৰখন দেখি
তোমাৰ শিল হৈ যোৱা বুকুখন !!

পিতাই -- প্ৰাণজিৎ বৰুৱা

পুৱাই সকলোতকৈ সোনকালে উঠা মানুহজন কোন,
বাৰীৰ ঢাপত জিকা ৰোৱা মানুহজন,
তিনিজনী গাই গৰুৰ গোবৰ পেলাই গাখীৰ খিৰোৱা মানুহজন ,
মোৰ পিতায়েই হয় চোন ...!

কন্দা দেখা নাই আজিলৈকে পিতায়ে এদিনো ,
কি পিতাইৰ দুখ নালাগে নেকি ?
উহো
পিতায়ে আমাক সাহস দিবলৈকে ,
চাগে সকলো দুখ মনতেই থয় ৰাখি...
নিদিয়ে দুখবোৰ চকুলো হৈ যাবলৈ উটি,
পিতাই সাহসী বহুত সাহসেৰে জীৱনটো যায় অকলেই যুজী ...

পিতাই ------ শিখাজ্যাতি শৰ্মা

শৈশঁৱৰ দিনবোৰ ঘূৰাই পোৱা হ'লে এবাৰ
তোমাৰ বোকোচাত উঠি আকৌ এবাৰ উমলিব পাৰিলো হেঁতেন ৷
তোমাৰ আঙুলিত ধৰি অলং দলং খেলিলো হেঁতেন ৷
তোমাৰ বুকুৰ মাজত সোমাই পৰীদেশৰ সাধু
শুনি শুনি টোপনি গ'লো হেঁতেন ৷
মাৰ গালিবোৰৰ পৰা বাচিবলৈ
তোমাক যে অস্ত্ৰ হিচাপে লৈছিলো মনত আছেনে পিতাই!
কিমান ধুনীয়াকৈ তুমি আমাক শিঁকাইছিলা জীৱন যুদ্ধত
জয়ী হোৱাৰ প্ৰতিটো ৰণকৌশল ৷
তোমাৰ ছত্ৰছায়াত নিৰাপত্তা অনুভূত হৈছিল,হাজাৰ দুখক
নেওঁচা দিয়াৰ মনোবল আয়ত্ত্ব কৰিছিলো ৷
তুমি আমাৰ সুখৰ কাৰণে নিজৰ ইচছা বাসনাক ত্যাগ কৰিছিলা

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:2,496
শিতান: কবিতা
মুঠ পঢ়ুৱৈ সংখ্যা:946
শিতান: কবিতা
মুঠ পঢ়ুৱৈ সংখ্যা:2,326
শিতান: কবিতা
মুঠ পঢ়ুৱৈ সংখ্যা:2,272
শিতান: কবিতা
মুঠ পঢ়ুৱৈ সংখ্যা:4,087
শিতান: কবিতা
মুঠ পঢ়ুৱৈ সংখ্যা:787