Assamese love poems for him

কবিতা :: তোমাক লগ নোপোৱা হ'লে --- ছাবিনা আলিয়া

তোমাক লগ নোপোৱা হ’লে
প্রেমক কোনোদিনেই সংজ্ঞাকৰণ কৰিব নোৱাৰিলেহেঁতেন প্রেম হিচাপে,
পিতৃ, ভাতৃ আৰু বন্ধুসকলক থিয় কৰাব নোৱাৰিলেহেঁতেন পুৰুষৰ দীঘলীয়া শাৰীবোৰত |
.
তোমাক লগ নোপোৱা হ’লে
প্রেমৰ মুকুতাবোৰ গুঠিৰ নোৱাৰিলেহেঁতেন বিশ্বাসৰ সূতাডালত,
অচিনাকী হাতবোৰত লাগি থাকিলেহেঁতেন সন্ত্রাসৰ গোন্ধ ,
যি হাতবোৰে যিকোনো সময়ত টানি আজুৰি সৰকাই নিব পাৰে দুচকুৰ সপোনবোৰ |
.
তোমাক লগ নোপোৱা হ’লে
প্রশান্তিৰ স্পন্দনবোৰেৰে অভিজ্ঞ নহলহেঁতেন মোৰ হৃদয়,
অনুভৱৰ নিসংগ কক্ষত বিচৰণ নকৰিলেহেঁতেন
এই অনামী শিহৰণ,

কবিতা :: মৰমৰ পাহিবোৰ যে মৰহি গ'ল --- সোণমণি গোহাঁই

তেওঁৰ স'তে মোৰ দূৰত্ব...

বহুত নাছিল, একেটা কোঠাৰ দুটা চুক ।

তথাপিও...

অতিক্ৰম কৰাৰ সাহস যে কাৰো নহ'ল।

মানুহ কেনেকৈ ইমান নিৰ্বিকাৰ হ'ব পাৰে ???

মই...

আগত মই আছিলোঁ

ইপাহ সিপাহ ফুলত উৰি ফুৰা

এজনী চঞ্চল পখিলা,

আৰু এতিয়া ?

কাৰাবন্দী নিৰৱতাৰ আৱৰ্তত,

তেওঁ যে নিৰৱ!

আচলতে তেওঁ নিৰৱ নাছিল,

আছিল নিবোকা ।

তেওঁ নিবোকা হোৱাৰ বাবেই

মৰহি গৈছিল মোৰ-তেওঁৰ আৰু

আমাৰ ঘৰদুখনৰ জীৱন ।

অতীতৰ সপোনত তেওঁ তেতিয়াও মগ্ন আছিল

অথচ সমাজৰ সাক্ষীত আছিলোঁ

মই তেওঁৰ বৰ্তমান ।

কাঁইটেৰে আৱৰা হৃদয় --- পলাশ প্ৰান্তিক

বুকুত আলফুলে শুই থকা
গোলাপৰ কলিটিয়ে
কেকটাছ হৈ ফুলিব
সেই কথা কোনো দিন কল্পনাই
কৰা নাছিলো

এতিয়া,
ইচ্ছা থাকিলেও চুব নোৱাৰো
কাঁইটেৰে আৱৰা হৃদয়

হৃদয় হেৰুৱাৰ দুখত
শোকৰ কামিজটো পিন্ধি
গোলাপ দেশৰ পৰা আঁতৰি আহো
দুৰলৈ,বহু দুৰলৈ .........

নৈশব্দৰ হুমুনিয়াত
ক্ষন্তেক ৰৈ
ষ্মৃতিৰ পাতত লিখিছো
ৰামধেনুতকৈ ধুমুহাই ভাল
পোহৰতকৈ এন্ধাৰে ভাল

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:3,274
শিতান: কবিতা
মুঠ পঢ়ুৱৈ সংখ্যা:3,970
শিতান: কবিতা
মুঠ পঢ়ুৱৈ সংখ্যা:3,629
শিতান: কবিতা
মুঠ পঢ়ুৱৈ সংখ্যা:2,970
শিতান: কবিতা
মুঠ পঢ়ুৱৈ সংখ্যা:2,427