Assamese Poems about change in life

বিধৱা --- প্ৰাণজিৎ বৰুৱা

"শিৰৰ সেন্দুৰ কন বৰ বিলাসী বস্তু অ ..."

কোনে জানো কৈছিল ,
হয়তো কোনোবা নাৰীয়েই কৈছিল ,

কিয় কৈছিল ?
নাজানে ??

আপুনি শুভ কাম এটা কৰিব খুজিছে ,
নাচায় উকা বাচন ,
নাচায় উকা কপাল ,
আপোনাৰ কামত এইবোৰে দিব জঞ্জাল ...

আপুনি ভকতৰ বাবে প্ৰসাদ সাজু কৰিছে,
সকলোৱে ধুই দিছে ,
কোনো বিধৱাই নজনাকৈ চুই দিছে ,
আপুনি জ্ঞানী বাবে
তেওঁক জ্ঞান অলপমানো দিছে
বিধৱা তিৰোতাই ভগৱানৰ নৈৱদ্য চুব নাপাই ...
জাত যায় ,

কেনেবাকৈ দেখিলেই
বগা সাজ
আপোনাৰ অথন্তৰ ঘটে
ৰাতিপুৱাই ,

জীৱন এনেকুৱাই --- শিৱ প্ৰসাদ হাজৰিকা

আইৰ তাঁতৰশালত ঘূৰি থকা
চেৰকীটোৰ দৰেই জীৱনতো ।

চেৰকীটোৰ পৰা মহুৰাত গৈ
শেষ হোৱা সূতাডাল
জন্মৰ পৰা মৃত্যুলৈকে
এটা দীঘলীয়া বাট ।

পকোৱা সূতাৰ হেৰাই যোৱা
আঁত ডালৰ দৰেই সপোনবোৰ
বিচাৰি বিচাৰি ভাগৰি পৰা ।

হয়তো জীৱন এনেকুৱাই
সময়ৰ লগত হেৰাই যায় ।

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:2,499
শিতান: কবিতা
মুঠ পঢ়ুৱৈ সংখ্যা:3,522
শিতান: কবিতা
মুঠ পঢ়ুৱৈ সংখ্যা:3,427
শিতান: কবিতা
মুঠ পঢ়ুৱৈ সংখ্যা:1,883
শিতান: কবিতা
মুঠ পঢ়ুৱৈ সংখ্যা:2,630
শিতান: কবিতা
মুঠ পঢ়ুৱৈ সংখ্যা:2,215