শিমলু
গছৰ ডালত ৰক্ত ৰঙৰে
আভূষণ পিন্ধিছে,
বহুদিন হ'ল শিমলু দেখা নাই...
চুই চাওঁ তাৰ সুকোমল পাপৰি ।
সুঘ্ৰাণ লওঁ তাৰ মাতাল গোন্ধ,
যেন মই মদিৰাত আসক্ত ।
এইয়া শিমলু ফুলাৰ বতৰ
শিমলু ফুলা বতৰত হেনো এজাৰে
বেজাৰ মনেৰে নুফুলে ।
শিমলু ফুলা মানে প্ৰেমৰ বতৰা
শিমলু ফুলে দিয়ে ফাগুনৰ জাননী,
লহপহকৈ বাঢ়ি সোঁৱৰাই দিয়ে
বসন্তৰ উপস্থিতি ।
জীৱন বাটত গৈ থাকোঁতে কেতিয়া
শিমলুৰ দৰে ৰক্তাক্ত হৈ গ'ল গমেই নাপালোঁ ।
এনেকুৱা যেন লাগে পথৰ দাঁতিত
শিমলু পৰি থাকিলে হৃদয়খন
ৰক্তাক্ত হৈ ধূলিয়ৰিত
লুতুৰি-পুতুৰি হয় আছে ।
