গাঁও :: পাখিৰীগুৰী --- মনজিল ইছলাম

সচাঁকৈয়ে আমাৰ গাঁওখন এক শান্তিৰ পৰিবেশ ৷ সকলোৱে মিলি একতাৰে বাস কৰা এক শৃংখলাবদ্ধ গাঁও ৷ আমাৰ গাঁওখনত হিন্দু-মুছলমান একেলগে মিলি যিকোনো

উৎসৱ পালন কৰো ৷

বিহুৰে বতৰত,

উখল-মাখল পৰিবেশ

দুয়ো সম্প্ৰদায়ৰ মিল ৷

কোন হিন্দু,

কোন মুছলমান-

নাই কাৰো তাৰ চিন ৷

আমাৰ গাঁওখনৰ নাম পাখিৰীগুৰী ৷ কৃষ্ণই চহৰৰ পৰা দুই কি.মি ৷ প্ৰায়ভাগ মানুহে খেতিৰ লগত জড়িত ৷ গাঁওখনৰ গোটেই ৰাস্তাৰ কাষত আহল-বহল ধাননি পথাৰ ৷
খেতিৰ বতৰত গোটেই গাঁওখন সেউজীয়া ৰঙেৰে ভৰি পৰে ৷ বয়সীয়াল লোকসকলৰ মতে গাঁওখনত আগতে পাহিৰি নামৰ কিবা গছ আছিল , সেইবাবে ইয়াৰ নাম
পাখিৰীগুৰী হৈছে ৷ আমাৰ গাঁওখনত দুখন প্ৰাথমিক বিদ্যালয় আৰু এখন পানী যোগান আচনিৰ টেংক আছে ৷ সচাঁকৈয়ে ই এক শান্তিৰে বসবাস কৰা ধুনীয়া ঠাই ৷