চৰাই জাক --- ৰাজীৱ কায়স্থ

এজাক চৰাই উৰি
যোৱা দেখিছিলোঁ
নীলাম্বৰৰ
প্ৰান্তে প্ৰান্তে,

সিহঁতৰ বৈচিত্ৰময়
উৰণ যেন লীন হ'ব
সিহঁত অয়নান্তৰ
আঁচলত ।

সূৰ্য বৰ্ণালীৰে
উদ্ভাসিত হালধীয়া
স্বপ্নৰ পম খেদি মই
গৈ আছিলোঁ...

বাটত ল'গ পালো
এজন বৃদ্ধ, তেওঁৰ
বিবৰ্ণ মুখমণ্ডলত
জীৰ্ণ দিনৰ ৰেখা
নিসংগতাৰে তেওঁৰ
নিস্তেজ আলাপ ।

আৰু এডাল গছ বহু
যোজন আঁতৰত ।

এইদৰে গৈ গৈ মই
এলুমিনিয়ামৰ এখন
দেশত ভৰি থয়;
মোৰ নীলিময়
স্মৃতিৰ পৰা
মচ খাই গ'লঃ

চৰাইজাক
বৃদ্ধ লোকজন,
আৰু
গছ ডালৰ চিত্ৰপট ।

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:1,805
শিতান: কবিতা
মুঠ পঢ়ুৱৈ সংখ্যা:2,411
শিতান: কবিতা
মুঠ পঢ়ুৱৈ সংখ্যা:1,961
শিতান: কবিতা
মুঠ পঢ়ুৱৈ সংখ্যা:1,829