ফাগুন
উন্মনা ফাগুন
বাহিৰত পলাশৰ জুই
বুকুৰ ভিতৰত বিষাদৰ জুই
দুয়োটাৰে ৰঙ ৰঙা
পলাশৰ জুইয়ে হৃদয় জ্বলাই
বিষাদৰ জুইয়ে কলিজাই জ্বলাই ।
আজি পুৱতি নিশা খিৰিকীৰ কাষত ৰৈ
সৌ দূৰৈৰ তৰাজাকৰ মাজত নিজকে বিচাৰি চাওঁ
মই বাৰু কত??
মোৰ অস্তিত্ব কি??
মোৰ জীৱনটো এটা বৃত্তৰ পৰিধি মাথোঁ
জীৱন মাথোঁ শূন্যতা
এৰা, শূণ্য ও এক পৰিপূৰ্ণ বৃত্ত
শান্তনা দিওঁ নিজকে নিজে
মোৰ বুকুৰ ভিতৰৰ নিৰ্জনতাক গিলি
সাৰে থাকে হুমুনিয়াহ
মই জীৱনৰ নিগনি দৌৰত দিকভ্ৰান্ত পথিক !!!
এৰা ফাগুনৰ জুই মোৰ মনৰ ভিতৰে বাহিৰে !!!
