অসমীয়া বাক্য ৰচনা – দ্বিতীয় খণ্ড

অসমীয়া বাক্য ৰচনা – দ্বিতীয় খণ্ড


- দূৰতে বিদূৰ (নিলগতে আঁতৰ হোৱা) = হৰেনৰ অৱস্থা দেখি ৰমেনে দূৰতে বিদূৰ হ’ল ৷

- ধোদৰ পচলা (এলেহুৱা, সোৰোপা) = মানিক দেখাত শক্তিশালী হ’লেও সি একেবাৰে ধোদৰ পচলা ৷

- নপতা ফুকন – (নিজকে নিজে ডাঙৰ মানুহ বুলি ভবা) = কমলে নিজকে নপতা ফুকন বুলি ভাবি লৈ ওলাইছে ৷

- নাকনি – কাননি (জুলুম কৰা) = উকীল জনে প্ৰশ্ন কৰি সাক্ষীজনক নাকনি-কাকনি কৰিলে ৷

- নিমাওমাও –(সাৰ-সুৰ নোহোৱা) = দেউতাকৰ মৃত্যুৰ পিছত হেমেনহঁতৰ ঘৰখন একেবাৰে নিমাওমাও হৈ পৰিছে ৷

- পেট পেলাই থকা (খাবলৈ আশা কৰি ৰৈ থকা) = তপনে গাওঁত বিয়া থকা দেখি পেট পেলাই থাকিল ৷

- পেটে – ভাতে খোৱা (কোনোমতে খাবলৈ পোৱা) = ছোৱালীজনীয়ে অতি পৰিশ্ৰম কৰিহে পেটে-ভাতে খাব পাৰিছে ৷

- পানীত হাঁহ নচৰা (বৰ বিপদ হোৱা) = বৰ্তমান সময়ত বস্তুৰ মূল্যবৃদ্ধিৰ বাবে সাধাৰণ ৰাইজৰ পানীত হাঁহ নচৰা অৱস্থা হৈছে ৷

- পেট-মচা ল’ৰা (নুমলীয়া ল’ৰা) = চন্দন সৰ্বেশ্বৰৰ পেট-মচা ল’ৰা ৷

- বাট এৰি অবাটে যোৱা (বেয়া কাম কৰা, অকাৰ্য কৰা) = বাট এৰি অবাটে গ’লে তোমাৰ জীৱনলৈ বিপদ নামি আহিব পাৰে ৷

- বাটত বগৰী- জাং (বাট ভেটা দিয়া) – শত্ৰুৰ বাবে বাটত বগৰী- জেং পুটিব লাগে ৷

- বুকু জুৰুৱা (শান্তি দিয়া) – দিনটো কষ্ট কৰাৰ পিছত ল’ৰা-ছোৱালীহালক দেখিলে দেউতাকৰ বুকু জুৰাই ৷

- বুকুতে কামোৰ মৰা (বৰ আঘাত দিয়া) – তুমি এনেদৰে মোৰ বুকুত কামোৰ মাৰিবা বুলি কোনো দিনে কল্পনা কৰা নাছিলো ৷

- বুকুৱে ধান বনা (বুকুৱে ধপ ধপ কৰা) – তেওঁৰ দুখৰ কথা শুনি মোৰ বুকুৱে ধান বানিব ধৰিছে ৷

- ভাত মৰা (জীৱিকাৰ উপায় নোহোৱা হোৱা) – খৰাংৰ বাবে খেতিয়ক ৰাইজৰ ভাত মৰা অৱস্থা হ’ল ৷

- ভাত উঠা (আয়ুস শেষ হোৱা) – নগেনৰ এইবাৰ ভাত উঠিল ৷

- ভৰি চেলেকা (নীচভাৱে তোষামোদ) – ৰতন একেবাৰে ভৰি চেলেকা বিধৰ মানুহ ৷

- মনত কৰা (সোঁৱৰণ কৰা) – মোৰ কথা তুমি এদিন মনত কৰিব লাগিব ৷

- মন মৰা (নিৰুৎসাহ হোৱা) – মন মাৰি থকা মানুহে কোনো কামতে উন্নতি কৰিব নোৱাৰে ৷

- মনে-চিতে (অন্তৰেৰে সৈতে) – মা-দেউতাক মনে-চিতে ভক্তি কৰিবা ৷

- মাটি হোৱা (নষ্ট হোৱা) – বানপানী বাবেই খেতিয়ক সকলৰ সকলো পৰিশ্ৰম মাটি হ’ল ৷

- মুখ নোহোৱা (কথা ভালকৈ ক’ব নোৱাৰা) – বিমল একেবাৰে মুখ নোহোৱা ল’ৰা ৷

- মুখ লগা (কু-দৃষ্টিত পৰা) – লাও গছ জোপাত কাৰোবাৰ মুখ লাগিল ৷

- মুখ ফালি কোৱা (স্পষ্টকৈ কোৱা) – সচাঁ কথা সদায় মুখ ফালি ক’ব লাগে ৷

- মুখত সোপা দিয়া (নিমাত কৰা) – ৰজাই সকলোকে মুখত সোপা দি থৈছে ৷

-মূৰ খা (মৰমৰ মানুহৰ মৰণ দেখা) - হৰিনাথে দেউতাকৰ মূৰ খালে ৷

-মূৰে ভৰি কঢ়া (বিপৰীত কাৰ্য্য কৰা) – তোৰ নিচিনা মূৰে ভৰি কঢ়া লোক মই ক’তো দেখা নাছিলোঁ ৷

-মূৰত টাঙোন মৰা (ডাঙৰ অন্যায় কৰা) – কমল তই মোক এনেদৰে মূৰত টাঙোন মাৰিব নালাগিছিল ৷

-মূৰা-মূৰি (ওচৰা-উচৰি) – পৰীক্ষাৰ মূৰা-মূৰি সময়তহে তাই পঢ়াত মন দিলে ৷

-মৰণত শৰণ দিয়া (প্ৰাণপণ কৰা) – স্বাধীনতা আন্দোলনৰ সময়ত দেশৰ ডেকাসকলে মৰণত শৰণ দিছিল ৷

-মৰসাহ কৰা (অতিৰিক্ত সাহস কৰা) – মৰসাহ কৰিয়েই সি ৰাতিটো হাবিৰ মাজত পাৰ কৰিলে ৷

-ম’হতলৈ শিং চৰা (অনুপযুক্ত বস্তুৰ গৰাকী হোৱা) – তাৰ দৰে মানুহ এজনে এখন দামী গাড়ী ৰখাটো ম’হতকৈ শিং চৰা যেন লাগে ৷

-যমৰ যাতনা (উগ্ৰ শাস্তি) – মহাজনসকলৰ হাতত গাঁৱৰ দূখীয়া সকলে যমৰ যাতনা ভুগিছিল ৷

-লেই লেই ছেই ছেই (ঘিণ কৰা) – চৰিত্ৰহীন লোকক সমাজৰ সকলোৱে লেই লেই ছেই ছেই কৰে ৷

আগলৈ ...

» অসমীয়া বাক্য ৰচনা - প্ৰথম খণ্ড

» বিপৰীতাৰ্থক শব্দ বা বিপৰীত অৰ্থ বুজোৱা শব্দ

» এটা শব্দত প্ৰকাশ কৰা

» অসমীয়া জতুৱা ঠাঁচ

» অসমীয়া ফকৰা-যোজনা

» অসমীয়া শব্দৰ লিংগ পৰিৱৰ্তন

» অসমীয়া সাঁথৰ

google_ad_client = "ca-pub-7266255229823793"; google_ad_slot = "8669829143"; google_ad_width = 336; google_ad_height = 280;

বৰ্তমান জনপ্ৰিয় লিখনি

শিতান: কবিতা
মুঠ পঢ়ুৱৈ সংখ্যা:645
শিতান: কবিতা
মুঠ পঢ়ুৱৈ সংখ্যা:1,856
শিতান: কবিতা
মুঠ পঢ়ুৱৈ সংখ্যা:339
শিতান: কবিতা
মুঠ পঢ়ুৱৈ সংখ্যা:1,770
শিতান: কবিতা
মুঠ পঢ়ুৱৈ সংখ্যা:2,567
শিতান: কবিতা
মুঠ পঢ়ুৱৈ সংখ্যা:3,066